• د. سامي الزدجالي

كيف تتصرف لو كنت بهالموقف؟





خليني أخبرك

أنا كيف أشوف مثل هالمواقف!

وكيف تكون ردة فعلي!


خلنا نبدأ بسؤال:

هل رح أنزعج من هالموقف؟

أتوقع نعم!

لاني مثلكم!!! ما أحب

حد يفرض نفسه او منتجه علي!


السؤال الثاني:

هل كنت بعصّب وبضارب أو أكثّر كلام بهالمنصات؟

الجواب: بالتأكيد لا!


ياخوي.. اريدك تسأل نفسك:

يا تُرى.. إش السبب يلي يخلي موظف بمحل

يركض ويترجى الزبائن بشكل مهين وكأنه يتسوّل؟


لو كنت تشتغل بالقطاع الخاص

أو عندك أخوان يشتغلوا بالبنوك أو المبيعات،

كنت تعرف بأن كل حد بالقطاع الخاص👇🏼

يعطوه Target علشان يوصل له قبل نهاية الشهر!

فمثلاً..

أخواني بالبنوك!! عندهم Target!

زملائي ببعض المراكز: كمان عندهم Target!

والTarget يا إما بعدد المنتجات أو المبيعات!

عدا عن..

البعض يكون تحت ضغط للوصول للTarget!


فتلاقي الكل يبذل جهده

ويتصرف حسب خبرته او تفكيره

علشان يوصل للTarget!

وادري.. هذه مش حجة لإزعاج الناس!

معاك حق!! مهما كانت الدوافع، ما المفروض

نزعج الزبائن او المارك - ونفرض انفسنا عليهم!


بس انا هنا اكلمّك عن:

خلينا نعرف الدوافع لمثل هالتصرفات

وخلينا نشوف للامور من زاوية الاخرين!


كلنا نعرف بأن المبيعات نازلة بشكل كبير الحين!

وكثير محلات ومؤسسات ضاغطة عالموظفين

علشان يبيعوا ويوصلوا ل60% من الTarget

(والمؤسسات تدوّر على حجج لتقليص اعداد موظفيها - ويخلوا البقية يقوموا بشغل مضاعف)!


ف..

يمكن هالموظف.. ضاغطين عليه علشان يبيع

وإلا يفقد وظيفته - ومحد يريد يفقد وظيفته!


أنا أحياناً أقول بخاطري:

ماذا لو أخوي الصغير أو ولد أخوي

يشتغل بمحل مثل هالمحلات

وضاغطين عليه علشان يبيع وإلا يفقد وظيفته!

ف..

اتوقع كنا نراعي أكثر ونتفهّم هالظاهرة!

لأن حد من أهلنا في مكان ذاك الموظف!


لذلك

انا قلت لك:

ممكن انزعج!! وممكن اتكلم عن الظاهرة!!!

لكن ما استخدم كلمات حادة مثل ذيك التغريدة

و ولا اجي راكض اعمل فيديو بهدف الانتقاد!!!!


طيب كيف كنت اتصرف؟!

عندي طريقتين في بالي حالياً:

اولاً.. كنت بطلب رقم صاحب المحل

فأخبره بأن هالطريقة تبعد الناس عن الكشك او المحل ماله!

أما

الطريقة الأخرى، كنت بكلّم إدارة المول

وانوّه عليهم يطلبوا من المحلات وقف هالتصرف

وإلا.. الزبائن رح تنفر من المول!

د. سامي الزدجالي